Video / Gjatë vitit të kaluar, në rrethin e Gramsh është shënuar një numër i lartë vdekjesh.

Sipas të dhënave nga zyra e gjendjes civile, gjatë vitit të kaluar janë regjistruar 181 vdekje, ku numrin më të lartë e zë mosha e tretë, si edhe personat që vuanin nga sëmundje kronike dhe profesionale si diabeti, sëmundjet kardiovaskulare, si dhe komplikacionet e shfaqura pas periudhës së COVID-19.

Ndërkohë, vetëm gjatë 3 muajve të parë të këtij viti, janë regjistruar edhe 40 vdekje të tjera, duke treguar një trend shqetësues për popullsinë e zonës.

Sinkron: Adriana Dragoti, punonjëse e gjendjes civile e qytetit.

Sipas statistikave të publikuara nga Ministria e Shëndetësisë dhe Mbrojtjes Sociale, rrethi i Gramshit është futur ndër bashkitë me numrin më të lartë të vdekjeve në raport me popullsinë, duke ngritur shqetësime për situatën shëndetësore dhe demografike në këtë zonë.